Технолошкиот фестивал Codefest овој април, од 7ми до 9ти, во Охрид ќе го одржи своето петто јубилејно издание. Во рамки на фестивалот се одржува Codefest маратонот, кој претставува 32-часовен тимски натпревар во развивање на софтверски и хардверски, иновативни и креативни решенија. Настанот е основан и организиран од страна на СТАРТАП ЗОНА.
Досега учество на маратонот можеа да учествуваат само студенти, а тоа за првпат се менува со тоа што оваа година натпреварот ќе биде отворен во три категории: млади (до 16 години), студенти (од 17 години до мастер студии), и ррофесионалци (вработени, freelancer-и, или не било кој начин, не-студенти).
Учесниците ќе се натпреваруваат за победа во секоја од овие категории засебно. За аплицирање на Маратонот потребно е да има тим од 2 до 5 членови и да има креативна и иновативна технолошка идеја на која досега не се работело.
„Услов за учество е за прв пат идејата да ја развивате во рамки на настанот, во тие 32 часа“, појаснуваат организаторите.
Формуларот за аплицирање за Маратонот е достапен на следниот линк. Апликациите се отворени до 28ми февруари 2017.