Контроверзниот референдум за независност на Каталонија, веднаш по отворањето на гласачките места утрово се претвори во хаос, откако шпанската национална полиција упадна на дел од гласачките места, конфискувајќи гласачки кутии и изборни ливчиња.
Во градот Жирона, каде требаше да гласа регионалниот претседател Карлес Пуигдемонт, полицијата упаднала во гласачкото место кршејќи ги стаклата, јавува СНН.
Портпаролот на каталонската влада, Жорди Турул, соопшти дека се отвориле вкупно 73% од гласачките места и побарал трпение од граѓаните, бидејќи нивните компјутерски системи биле под напад.
Во Барселона, кордон на полиција го попречуваше патот на граѓаните до своите гласачки места.
Полицијата го спречува влезот до училиште во Барселона кое е одредено како гласачко место ФОТО: СНН
Шпанското министерство за внатрешни работи побара од каталонските училишта да соработуваат со нивната операција на запирање на референдумот. Видео на шпанската полиција како конфискува гласачки кутии од спортска сала во Тарагона беше објавена на нивниот Твитер профил.
Agentes de la @guardiacivil requisan las urnas instaladas en el pabellón deportivo de Sant Carles de la Rápita, Tarragona#EstamosporTI pic.twitter.com/AHMpbUSQAz
— Ministerio Interior (@interiorgob) October 1, 2017
Шпанската централна влада подолг период навестваше дека нема да дозволи одржување на референдум за независност на североисточниот регион, додека шпанскиот Уставен суд веќе го прогласи референдумот за незаконски.
Градоначалничката на Барселона, Ада Колау, на Твитер го изрази своето незадоволство поради интервенцијата на шпанската полиција на референдумот:
„Претседателот кукавица го исполни нашиот град со полиција. Барселона, градот на мирот, не се плаши“, напиша таа.
Un presidente de gobierno cobarde ha inundado de policía nuestra ciudad. Barcelona ciutat de pau, no té por #MésDemocracia @marianorajoy
— Ada Colau (@AdaColau) October 1, 2017
Реакција на полициската интервенција испрати и лидерот на партијата Подемос, Пабло Иглесиас.
„Гурање, удари, влечење на стари жени. Тоа што го прави Народната партија на демократијата, за мене е одвратно. Коруптивно, лицемерно, бескорисно. Дали е ова „победа“ Маријано Рахој?“, напиша Иглесисас на Твитер.
¿Esta es vuestra “victoria” @marianorajoy ? #NoEnMiNombre pic.twitter.com/5HHbgRu6Ja
— Pablo Iglesias (@Pablo_Iglesias_) October 1, 2017
На социјалните мрежи има и неколку информации дека полицијата употребила гумени куршуми врз граѓаните кои чекале во ред да гласаат на референдумот.
La poli surt disparant pic.twitter.com/4RyFWkaq3X
— Jordi Graupera (@JordiGraupera) October 1, 2017
Каталонската влада во петокот информираше дека ќе бидат отворени 2.315 гласачки места, за повеќе од 5,3 милиони избирачи од регионот. Тие денеска гласаат со „да“ или „не“ на едно прашање: Дали сакате Каталонија да биде независна држава, во форма на Република?“
Шпанските власти од вчера тврдеа дека половина од планираните гласачки места се веќе затворени.