YES бизнис инкубатор објави натпревар за избор на најиновативна бизнис идеја од секторот за Информациски и комуникациски технологии, со голем потенцијал за раст и развој. Сите заинтересирани лица треба да испратат пополнета апликација на info@yes.org.mk најдоцна до 25 јули 2016 година.
Право на учество имаат млади ентузијасти кои имаат намера да стартуваат сопствен бизнис од ИКТ индустријата или имаат основано фирма не постара од 1 година. Краен рок за поднесување апликации е 25 јули 2016 година.
Како што соопштуваат организаторите, критериуми за избор се иновативност на идеја, потенцијал за развој, искуство на тимот, финансиска изводливост.
Најдобриот учесник ќе добие ваучер од 5 000 евра и ќе треба да потпише договор на 12 месеци со кој ќе продолжи да работи во инкубаторот.
Покрај ова, тој ќе добие и можност за:
- Бесплатно користење на канцелариски простор во времетраење од 6 месеци во бизнис инкубатор
- Бесплатно советување и менторирање од експерти од различни области
- Бесплатно учество на обуки во организација на YES бизнис инкубатор
- Бесплатно учество на интернационален б2б настан за вмрежување на ИКТ фирми во Скопје – http://goict2016.talkb2b.net/
- Бесплатно вмрежување со потенцијални бизнис партнери преку најголемата Европска мрежа за мали и средни претпријатија – Enterprise Europe Network
- Бесплатни информации за настани и конференции од Enterprise Europe Network
- Изработка на профил за промоција на бизнисот во Enterprise Europe Network