Регионалната Ромска Образовна Младинска Асоцијација објави повик за учество на младинската размена „ReCreative use of waste“ која што се одржува од 4 до 14 август 2016 година во младинскиот камп Марабу, во Романија.
Целта на младинска размена е четириесетина млади од шест европски земји (Македонија, Романија, Шпанија, Словачка, Полска, Украина и Кипар) преку неформалното образование да ги споделат знаењата за важноста на рециклирањето и влијанието што го има врз нашата животна средина, да се промовира креативното рециклирање и развојот на граѓанскиот дух. Во текот на настанот ќе се организираат работилници со (пластика, стакло, дрво) и други активности кои се насочени кон зголемување на културната свест на секој учесник со користење на уметноста и дизајн и како тие, тоа искуство да го пренесат во сопствената земја.
Профил на учесници:
-Активни млади Роми и не-Роми на возраст од 15 до 25 години;
-Да имаат желба да ги споделат своите креативни вештини;
-Да имаат желба да работат во група.
-Да работат и научат за рециклирањето, без предрасуди!
-Да имаат валиден пасош за патување, со минимум 6 месеци валидност откако ќесе вратат од Романија.
Работен јазик е англискиот, a учесниците ќе бидат сместени во младинскиот камп Марабу, Милчовени, Романија. Патувањето и храната ќе бидат покриени од страна на организаторите.
За пријавување е потребно да се пополни следниот формулар (ОВДЕ) , најдоцна до 20-ти јули, 16:00 часот и да се испрати на info@rromassn.org со предмет RE16.