Директорот за програма на НВО најави дека хумористичното шоу на Лери Дејвид, Curb Your Enthusiasm, ќе има деветта сезона во 2017 година. Осмата сезона заврши во 2011.
„Веројатно ќе се снима есента и ќе се емитува некаде во 2017. Датумот може да се промени, но Лери Дејвид е дефинитивно подготвен. Се надевам дека поголем дел од актерите ќе се вратат, но немаме договорено поголем дел од деталите“, изјавил.
Американскиот канал на НВО го потврди враќањето на Curb Your Enthusiasm на екраните минатиот месец, на големо изненадување на обожавателите, кои немаат гледано нови епизоди од шоуто веќе пет години.
Култната комедија на НВО започна во 2000 година. Дејвид, коавтор на популарното шоу Seinfeld, глуми фиктивна верзија од себеси во полу-импровизираното шоу, кое го снима и пишува сам.