Summer Work & Travel Алумни Македонија и Младински Инфо Клуб — Скопје го организираат првиот стартап саем за кариера кој ќе ги поврзе професионалците и талентираните студенти со македонски tech и стартап компании – CareerLaunch. Станува збор за саем за вработување во најиновативните македонски технолошки и стартап компании.
Преку саемот за кариера организаторите сакаат да им овозможат на индивидуалците да ја пронајдат својата работа од соништата, а стартап компаниите да го унапредат својот тим со таленти кои ќе придонесат во реализацијата на идеите, иновативните проекти и нивниот целосен развој.
CareerLaunch е можност за индивидуите кои бараат прилика за започнување на кариера во тимови и компании, кадешто постои интензивна средина за учење, и се негува креативноста и иновативноста.
Дополнително ќе има практични работилници кадешто самите компании ќе го споделат своето знаење за програмирање, дизајн, маркетинг и друго со посетителите.
Место и датум
Настанот ќе се одржи во Среда на 13ти Октомври во Јавна Соба [Public Room] од 14.00 до 19.00 часот.
Програма
Саем за вработување. Посетителите ќе можат да се запознаат и разменат контакти со наши најдобри tech и стартап компании. Покрај тоа, посетителите — “идни надежни претприемачи” ќе можат да се сретнат и со организациите кои поддржуваат развој на стартапи.
Конференција/Презентации.
Како дел од агендата ќе има презентации од претприемачи, претставување на успешни македонски приказни, работилници со фриленс професионалци, мини-обука со експерт во човекови ресурси…
Настанот е бесплатен
Пријавувањето е задолжително за посетители.
Пријавете се на следниот линк.
За Компании
Доколку сакате да учествувате со вашата стартап компанија на CareerLaunch контактирајте не на careerlaunch2016@gmail.com или 077–553–737