Краткометражен филм во кој е интерпретиран класикот на Queen, Bohemian Rhapsody, се појави на интернет.
Видеото именувано „Literal Bohemian Rhapsody“ (Буквална Бохемска рапсодија), кое може да се најде на Јутјуб, хронолошки ја образложува песната според нејзиниот текст.
Почнува со маж кој ѝ признава на мајка си дека „штотуку убил човек“, пред да се соочи со група полицајци.
Синглот Bohemian Rhapsody е објавен на 31 октомври 1975 година, и станал Хит број 1 на годината.
Зборувајќи за песната во тоа време, гитаристот Брајан Меј рекол: „Сите знаевме дека е нешто прекрасно и дека треба во неа да вложиме и душа и срце. Тешкиот дел беше одлична можност за нас да изгледаме како вистински рок бенд, но тој голем, тежок риф дојде од Фреди, не од мене“.