После интензивниот и неочекуван дожд на северот на Чиле, делови од вообичаено сувата Атакама се претворија во килим посипан со цвеќе.
„Десиерто флоридо“ (расцветана пустина) феноменот вообичаено се случува на пет до седум години, кога дождовите предизвикуваат закопаните семиња да пораснат и расцветаат.
Но, овој цут доаѓа после само две години, после особено шарено цветање во 2015 година.
Повеќе од 200 видови на растенија се пронајдени во областа. Спектаклот привлече голем број посетители и ботаничари од Чиле и подалеку.
Туристичките агенции велат дека се надеваат дека повеќе цвеќиња ќе расцветаат во наредните недели, бидејќи различните видови цветаат во различно време.
