Во рамки на својата програма за неформално сеопфатно сексуално образование (ССО), ХЕРА објавува повик за учество на обука од областа на ССО.
Обуката опфаќа:
- Дводневна работилница за запознавање со седумте компоненти на ССО: род, сексуално и репродуктивно здравје, граѓански аспекти, задоволство, насилство, врски и односи и различност.
- Обуката ви носи и можност по нејзиното поминување да станете дел од тимот на волонтери ХЕРАМлади.
Обуката ќе се одржи на 28 и 29 април 2018 година во Битола од 9 до 16 часот. Учесниците кои ќе ја поминат, ќе добијат сертификат. Обуката е бесплатна:
сите трошоци, освен за пат и сместување, ќе бидат покриени од страна на ХЕРА.
Може да се пријават сите млади кои:
- се на возраст од 17 до 23 години,
- сакаат да добијат информации од полето на сексуалното и репродуктивно здравје и права,
- се мотивирани да бидат волонтери во ХЕРА,
- сакаат да работат во тим, знаат да исполнуваат задачи навреме.
Најдоцна до 23 април 2018 година, заинтересираните треба да испратат:
- Пополнета пријава за присуство на врсничката едукација
Бројот на учесници е ограничен. Потребно е да се наведе и телефон и е-пошта за контакт.
Документите со назнака на пораката повик за обука од областа на ССО може да ги доставите на seksualnoobrazovanie@hera.org.mk