Австралиската организација за донирање на органи „Dying To Live“, објави спот за подигнување на свеста за важноста од донирањето на органи. Но, тоа предизвика бурни реакции во земјата и ја подели јавноста во ставовите.
Во видеото е прикажан распнатиот Исус, а двајца римски војници го прашуваат дали би ги донирал неговите органи, по што бараат тој да се регистрира како донатор на органите онлајн.
Прашањето кое го испраќа кампањата гласи: „Што би направил Исус?“.
По критиките од јавноста, австралиското регулаторно тело ја разгледува опцијата за забрана на кампањата на ТВ каналите, по реакциите.