Утревечер на Малата сцена на Театар „Јордан Х.К-Џинот”, Велес со почеток во 20 часот ќе гостува испитната претставата „Шекспиријада” на студентите по актерска игра од Универзитетот за аудиовизуелни уметности „ЕФТА” од Скопје од класата на професорот Дејан Пројковски.
Претставата е колаж на монолози и дијалози од повеќе драми на Вилијам Шекспир како „Венецијанскиот трговец“, „Макбет“, „Хамлет“, „Ромео и Јулија“, „Ричард трети“, „Отело“ и „Крал Лир“.
Во претставата настапуваат студентите: Никола Јанев, Андреј Лалчевски, Кристијан Саздовски, Марија Кондовска, Кристина Гиева, Ванеса Тримчевска, Марија Баркова, Матеј Стојковски, Харис Салковски, Никица Јанковски и Томе Станковски.
