Скопски филмски фестивал: Започнаа „Денови на квир кино“, вечерва премиера на „Неонски срца“

Со проекција на филмот „Потреси“ на режисерот Џеиро Бустаманте“, добитник на Сребрена мечка на Берлинскиот филмски фестивал, започна програмата „Денови на квир кино“, во рамки на Скопскиот филмски фестивал.

Ова програма е дел и од „Stiching art. 1“ и Меѓународниот квир и мигрантски филмски фестивал од Амстердам во соработка со Скопје филм фестивал. На отворањето синоќа присуствуваа и Крис Белони, директор на фестивалот. Во реализацијата на програмата учествуваа Женска алијанса, Хелсиншкиот комитет за човекови права и Субверзивен фронт.

„Среќни сме што оваа програма е дел од Скопје филм фестивал како добро познат и етаблиран фестивал и на овој начин ја испраќаме пораката до пошироката заедница. Ја поддржуваме оваа програма, која е дел од поголем културен проект и во кој се вклучени различни организации за човекови права. Културата е одличен начин да се види светот низ очите на другиот, да се гледа светот низ очите на уметниците. Холандија има силна политика на поддршка на човековите права вклучувајќи ги и правата на ЛГБТИ заедницата и во таа смисла, одлично е што фестивалот од Амстердам започна соработка со фестивало и организациите од овде“, рече Андри ван Менс, заменик амбасадор на Кралството Холандија, кој ги отвори „Деновите на квир кино“.

Во рамки на програмата ќе бидат прикажани уште „Грета“, „Кратка приказна од Зелената планета“ и шведскиот документарен филм „Грета“.

Вечерва (20 април) во рамки на програмата Македонска продукција во кино „Фросина“ од 18 часот ќе бидат прикажани три краткометражни играни филмови: „Запирка“ (2019) во режија на Сезер Салихи, „Из(с)губени“ (2018) на режисерот Антонио Велјаноски и „Неонски срца“(2019) во режија на Ана Јакимска.

Програма 20 април:

Кино Фросина

18:00 НЕОНСКИ СРЦА / NEON HEARTS 2019, 16 min.

Режија: Ana Jakimska

Улоги: Jordan Simonov, Gordana

Endrovska, Simeon Moni Damevski

И(С)ЗГУБЕНИ / MI(S)SING DOG 2018, 14 min.

Режија: Antonio Veljanoski

Улоги: Jan Kacer, Marie Durnová,

Iruna Cynková, Ivana Djikanovic,

Marie Durnová

ЗАПИРКА / COMMA 2019, 10 min.