На Правниот факултет при Универзитетот „Гоце Делчев“ во Штип денеска ќе биде изведена форум-театарската претстава „Дали факултетот вака нè учи?“ со почеток од 17:30 часот.
Форум-театарот е облик на интерактивен театар развиен од бразилскиот режисер Август Боала кој има за цел да прикаже општествен проблем релевантен за публиката, при што и самата публика има можност да дискутира и да се вклучи во неговото решавање.
Целта на оваа форум-театарска претстава, во која играат 6 актери под водство на Владо Караев, е да се прикажат проблемите со кои се соочува ромската заедница во здравствените институции и преку интеракција да се дојде до промена на наративите кои преовладуваат за оваа заедница и до евентуални решенија за проблемите поврзани со пристапот до здравствени услуги.
Настанот е во организација на ХЕР – Асоцијација за здравствена едукација и истражување.