Фото кино клуб „Козјак“ Куманово распиша конкурс за Третиот меѓународен фестивал за краток филм „Филмај 2021“.
Конкурсот се однесува на кратки играни и документарни филмови до 20 минути, а ќе се прифатат и експериментални филмови, но не и анимирани.
Филмовите кои ќе аплицираат потребно е да се завршени по 01.01.2018 година.
Пријавувањето за учество е преку платформата Film Freeway на следниот линк.
На конкурсот ќе се доделат 4 награди:
- награда „Лазар Ѓорѓевиќ“ за најдобра режија
- награда „Радислав Ристевски“ за најдобра фотографија/кинематографија
- награда „Козјак“ за најдобро сценарио
- награда за најдобар македонски (домашен) филм
Резултатите од конкурсот ќе бидат соопштени на 3 мај 2021. Фестивалот, пак, е планирано да се одржи на 28 мај, 2021.
Повеќе информации за фестивалот и конкурсот се достапни на веб-страницата: http://filmay.kozjak.mk