Преку театарската вежба „Хотел Агато“ од арсеналот на активности на Аугусто Боал, вљубениците на театарот ќе може да се приклучат на интерактивен онлајн експеримент.
Во организација на Центарот за личен и креативен развој „Перцепио“, вежбата ќе се одржи во сабота, од 18 до 19 и 30 часот преку „Зум“ платформата. Сите заинтересирани за учество може да се пријават на мејлот info.percipio@gmail.com.
„Со вашето влучување вие се пријавувате да бидете дел од играта. Нема пасивни гледачи. Сите ја играме активноста заедно. Се работи за хотeл во кој што доаѓаат различни ликови и се среќаваат во хотелското лоби. Секој од вас е еден од ликовите а инструкциите ги добивате на почеток на играта. Еден од ликовите е убиец и во текот на играта треба да откриеме кој“, објаснуваат од „Перципио“.