Министерството за здравство (МЗ) попладнево информираше дека од Ковид-19 починале 46 лица.
Починале 15 лица од Скопје (54г, 54г, 54г, 55г, 64г, 66г, 69г, 69г, 71г, 71г, 72г, 75г, 76г, 80г и 82г), по 3 лица од Битола (63г, 66г и 73г), Штип (55г, 71г и 77г), Кочани (57г, 82г и 82г) и Велес (65г, 66г и 81г), по 2 лица од Прилеп (66г и 85г), Струмица (78г и 79г), Гостивар (59г и 72г), Неготино (79г и 86г) и Куманово (59г и 92г), и по едно лице од Кавадарци (80г), Тетово (77г), Охрид (69г), Ресен (93г), Радовиш (56г), Берово (55г), Демир Хисар (70г), Македонски Брод (73г) и Гевгелија (69г).
Еден пациент е починат во домашни услови, а останатите 45 се починати во болнички услови.
Од МЗ исто така информираа дека во последните 24 часа се потврдени 433 нови случаи на Ковид-19. Регистрирани се 174 случаи во Скопје, 39 во Куманово, 34 во Битола, 24 во Охрид, по 16 во Струга и Кичево, по 15 во Прилеп, Велес и Струмица, 11 во Штип и по 9 во Тетово и Кочани.
Потоа, регистрирани се по 8 случаи на Ковид-19 во Гевгелија и Виница, 7 во Кавадарци, 6 во Гостивар, 5 во Неготино, 4 во Свети Николе, по 3 во Делчево и Крушево, по 2 во Берово, Пробиштип, Богданци, Демир Хисар и Македонски Брод и по 1 случај е регистриран во Крива Паланка и Ресен.
Регистриран е 641 оздравен пациент, односно, од Скопје – 298, Битола – 59, Прилеп – 46, Струмица – 44, Кавадарци – 23, Штип – 21, Кочани – 20, Тетово и Гостивар – по 19, Охрид – 13, Кичево – 11, Неготино – 10, Ресен – 9, Радовиш – 8, Крива Паланка – 7, Виница – 6, Велес и Валандово – по 5, Струга – 4, Куманово и Делчево – по 3, Берово и Пробиштип – по 2 и по 1 од Демир Хисар, Македонски Брод, Пехчево и Македонска Каменица.
„Вкупната бројка на КОВИД-дијагностицирани лица во нашата земја од почетокот на епидемијата изнесува 152.002, бројката на оздравени пациенти е 132.171, на починати е 4.818, а бројот на активни случаи изнесува 15.013“, стои во соопштението на МЗ.
Досега во земјава се направени вкупно 718.626 тестирања на Ковид-19, а во изминатото деноноќие се направени 2.453 тестови.
