Оваа учебна година за државната матура се имаат пријавено 15294 матуранти. Од нив 7050 од гимназиско образование, 7983 од средно стручно образование и 261 од средно уметничко образование, соопштија од Државниот испитен центар.
Согласно Концепцијата за матура и за завршен испит во средното образование со четиригодишно траење во Република Северна Македонија учениците екстерно полагаат 2 предмети, 2 интерно и проектна задача. Задолжителен за сите е мајчиниот јазик.
На 5 јуни ќе се полага задолжителниот предмет. Македонски јазик и литература ќе полагаат 10848 кандидати, албански јазик и литература 4078, а 272 турски јазик и литература. На 11 јуни ќе се полага англиски јазик, германски јазик, француски јази, руски јазик, математика, естетика и филозофија. Англиски јазик пријавени се да полагаат 13452 матуранти, германски јазик 140, француски јазик 32, руски јазик 18, математика 1529, филозофија 14 и естетика 66 матурани.
На македонски наставен јазик се пријавени да полагаат вкупно 10886 матурани, на албански наставен јазик 4134 и на турски наставен јазик 274. Дополнителните термините за полагање на матурантите кои на денот кога се реализираат екстерните испити од државната матура се болни од ковид или се во самоизолација се:
25 јуни– македонски јазик и литература, албански јазик и литература и турски јазик и литература;
28 јуни – математика, англиски јазик, француски јазик, германски јазик, руски јазик, филозофија, естетика.
Испитниот материјал истиот ден кога се реализира испитот се носи во училиштата и се враќа во ДИЦ.
Почетокот на испитите е во 10 часот.
Сите испити ќе се реализираат согласно Протокол за постапување на средните училишта при реализација на испитите од државната матура за учебната 2020/2021 година.
Во процесот на реализација на матурата во училиштата се ангажирани и околу 2000 наставници како тестатори и околу 300 набљудувачи. Резултатите ќе бидат објавени во рок од 30 дена од последниот екстерен испит.
