Москва протера репортерка за „Би-Би-Си“, а за оправдување во соопштението е ставен цитат за британската дискриминација кон руските новинар, пренесува „Индипендент“.
Британска новинарска се смета дека е прогласена за „нон-грата“ од страна на руските власти – чекор кој испраќа остра порака за намерите на Кремлин за слободата на говорот и странските новинари кои работат во Русија.
Сара Реинсфорд, репортерка за „Би-Би-Си“ која работела во Москва од 2014 година, известува дека и било кажано дека нејзината медиумска акредитација нема да биде обновена по 31 август, кога акредитацијата истекува.
Руската национална телевизија соопштила дека потегот „симболична депортација“ како одмазда порати британската дискриминација кон руските новинари.
Истиот извештај сугерира дека Велика Британија предизвикала протерување со тоа што не им ги продолжила визите на руските државјани, со закани дека ќе ја отстрани дозволата за емитување на пропагандата од Кремлин и ќе ги финансира истражувачките медиуми „Белингкет“ и „ОЦЦРП“.
Потпарол на Британската амбасада во Москва не бил достапен за коментар. Руското министерство за надворешни работи исто така не дало коментар, ниту го потврдило истерувањето.
Ваквиот потег доаѓа една недела подоцна откако се зголемија тензиите помеѓу Русија и Велика Британија, бидејќи британец беше уапсен во Берлин под сомневање дека е руски шпион кој неколку месеци работи во британската амбасада.
Пред парламентарните избори во септември во Русија, Кремлин го зголеми притисокот врз медиумите. Веќе се уапсени и затворени голем број на новинари, а бројни руски медиуми се обележани како странски агенти и непосакувани организации.
