Француската електроенергетска компанија ЕДФ вчера соопшти дека повеќе нема да го прекинува снабдувањето со електрична енергија на француските корисници на мало за неплатени сметки, продолжувајќи го „зимскoто примирје“ воведено од регулаторот поради зголемените трошоци за енергија, објави Ројтерс.
Државната француска компанија соопшти дека наместо да го прекине снабдувањето, ќе го намали нивото на електрична енергија на загарантирано минимално ниво. Мерката ќе стапи на сила од 1 април.
За време на зимскиот период, од 1 ноември до 31 март, снабдувачите со електрична енергија не смеат да го прекинат снабдувањето за неплатени сметки.
„Со оваа мерка, ЕДФ оди подалеку од своите регулаторни обврски вон периодот на ‘зимското примирје’“, се вели во соопштението на компанијата.
Франција минатиот месец објави дека домаќинствата со пониски приходи ќе добијат 100 евра (114 американски долари) од владата за да помогнат во ублажувањето на влијанието на зголемените цени на енергијата, особено оние на бензинските пумпи.
Ројтерс пишува дека претседателот Емануел Макрон, пет месеци од претседателските избори, се обидува да ја ограничи штетата на неговиот економски рекорд од зголемените цени на енергијата.
