Во саботното утро во Глазгов се чекаше да биде објавен нов нацрт, додека до попладнето и финален договор на КОП26 – усвоен од преговарачите од сите 197 земји. Синоќа всушност помина крајниот рок за постигнување договор, а низ целиот вчерашен ден се случуваа и протести, кога активистите изразија несогласувања поради недостиг на резултати против климатските промени, објави Би-Би-Си.
На последниот ден на конференцијата, членови на еколошки групи и синдикати беа меѓу оние што пееја „моќта на народот“ додека ја напуштаа арената за да им се придружат на стотиците демонстранти на улицата надвор од сината зона на самитот.
“Power to the people…”
The walkout by climate campaigners attending #cop26 to join street protests is underway pic.twitter.com/xZOf3CKO4D
— Glenn Campbell (@GlennBBC) November 12, 2021
Расположението меѓу активистите стана мрачно кога говорници што беа на самитот ѝ се обратија на толпата, вклучително и 15-годишник од Чад, кој рече дека езерото Чад пресушило за 95% од 1950-тите.
Активистите на Гринпис, пак, одржаа протести во салата на самитот.
Демонстрантите пуштија балони со знак „не се продава“, кои лебдеа кон огромниот глобус што виси одозгора.
‘NOT FOR SALE’
World govts at #COP26 have not yet closed the gap to keep the global temperature rise under 1.5C despite the ‘CODE RED FOR HUMANITY’ issued by scientists. They must phase out fossil fuels, provide support for vulnerable nations and #StopFailingUs pic.twitter.com/3Dj0U0BWB8
— Greenpeace (@Greenpeace) November 12, 2021
Во близина на електрана во Северен Јоркшир, Англија, демонстрант се искачи на врвот на воз.
Групата од кампања „Axe Drax“ рече дека еден од нејзините активисти „го запрел возот“, кој носел дрвени палети и се упатувал кон станицата „Drax Power“.
Сликите на социјалните мрежи покажуваат како активист вее знаме со логото на активистите на „Extinction Rebellion“. Ова беше порака кон „Drax“ – најголемиот емитер на јаглерод диоксид во Велика Британија.
Инаку, Самитот во Глазгов се смета за клучен момент во обидот да се задржи зголемувањето на температурата на 1,5 Целзиусов степен и да се ограничат катастрофалните поплави, шумските пожари и покачувањето на нивото на морето.
Но сегашните ветувања значително нè исфрлија од колосек и сега сме упатени кон загревање далеку над 2 Целзиусови степени.
Споровите околу парите остануваат во центарот на вниманието, а земјите во развој бараат богатиот свет да плати, пренесува Би-би-си.
