Активистки од Иран вчера на социјалните мрежи објавуваа видеа како ги соблекуваат нивните марами на Националниот ден на хиџабот со цел да го искажат својот револт кон законот во земјата според кој за жените во јавност е задолжително носење хиџаб.
Дел од видеата покажуваат како жени ги оставаат марамите и шаловите на улици или пак ги фрлаат во ѓубре. Можеа да се видат и фотографии и видеа од жени кои се возат во јавен транспорт без марама на главата, а дел од нив јавно пишуваа за нивните лични искуства во врска со хиџабот, пренесува Радио Слободна Европа.
باشگاهم تموم شده و دارم برمی‌گردم.
نزدیک میدون، ون گشت ارشاد تازه رسیده بود. از کنارشون خیلی راحت رد شدم و یه ماشین دیگه که از کنارم رد می‌شد گفت: لااقل اون کلاه دوچرخه‌تو سرت کن :) باباااا
من یک سال‌ونیم بی‌شال و باکلاه دوچرخه، تو خیابونا روندم، یه امروزو می‌خوام تو چششون کنم.✌🏼 pic.twitter.com/XnAGYlANF9— دو نونه (@N0O0NO0ON) July 12, 2022
12 јули е Национален ден на хиџабот и невиноста во исламската република, а владините институции го промовираат овој празник во текот на целата недела.
Иранската национална телевизија вчера емитуваше видео од церемонија на која беа прикажани 13 жени кои носат зелени хиџаби и долги бели наметки додека танцуваа на стихови од Куранот за да се истакне важноста на тоа жените да бидат покриени. Видеото беше дочекано со исмевање на социјалните мрежи.
Iran’s IRGC is holding a “Hijab and Chastity” ceremony in Tehran today as Iranian women plan to stage acts of civil disobedience. The event included this performance that @MargaretAtwood would certainly find interesting. #حجاب_بی_حجاب #حجاب_اجبارى https://t.co/sKePeuZnIp pic.twitter.com/QErQj2VXv1
— Khosro Kalbasi (@KhosroKalbasi) July 12, 2022
Меѓународната кампања за човекови права во Иран претходниот ден соопшти дека постои „сериозна загриженост околу можно насилство и нови приведувања на 12 јули“.
Новинската агенција Фарс информираше дека неколку луѓе биле уапсени на 11 јули.
Хиџабот стана задолжителен во јавност за жените и девојките во Иран постари од 9 години по Исламската револуција од 1979 година. Многу Иранки последниве години се обидуваат да ги поместат границите за она што властите сметаат дека е примерно облекување во јавност.
