Кога Ведран Паниќ купува намирници, внимателно ги следи трошоците. Овој 38-годишен Хрват живее во градот Селница, а деновиве семејното патување во супермаркет веднаш преку границата во соседна Словенија значи заштеда на многу пари.
„Цените во Хрватска се повисоки од оние во Словенија. Заштедувате најмалку 20% од парите ако одите на шопинг во Словенија. Ако сметате дека луѓето одат и го прават тоа двапати месечно и ги купуваат нивните основни работи, тогаш заштедите се значителни“, вели тој за Евроњуз.
Хрватите патуваат преку граница за да купуваат намирници иако словенечкиот животен стандард и платите се многу повисоки, што значи дека и цените треба да бидат повисоки.
Словенија се приклучи на еврозоната во 2007 година, но Хрватска се приклучи дури на 1 јануари оваа година и има тешка транзиција.
Поборниците го гледаат усвојувањето на еврото како средство за проширување на економските можности и правење на тргувањето полесно и поевтино. Но, просечните хрватски граѓани го гледаат како пропаст.
Евра наместо куни и отворени граници во ЕУ – Хрватска од полноќ стана членка на евро и Шенген зоната
Не само поради еврото, потрошувачите низ целата земја се соочија со зголемени цени на основните стоки и услуги, уште од октомври минатата година, поголем период пред официјалното усвојување на валутата.
