Седум млади активисти кои работат на зголемување на свесноста за климатската итност, во саботата, влегле во италијанската Фонтаната Треви во Рим и фрлиле растворен јаглен, со што водата добила црна боја, јавува „VOA“.
Активистите, кои се дел од групата „Последната генерација“, држеле и банери на кои пишувало „ние нема да плаќаме за гориво“, а викале и „нашата земја умира“.
Полицијата за кратко време интервенирала, влегувајќи во Ди Треви и ги привела активистите, чиј чин бил будно следен од туристите кои ја проследиле целата акција, а притоа и ги навредувале активистите, покажуваат видео снимки.
Во свое соопштение, од „Последната генерација“ нагласиле дека треба да се стави крај на државните субвенции за гориво, како и дека ги поврзуваат своите протести со скорешните поплави кои го зафатија северниот дел на Италија, во кои имаше и жртви.
Според групата, една од четири куќи во Италија се под ризик од поплави.
Градоначалникот на Рим, Роберто Галтиери, го осудил протестот, кој пак е последен во серијата еко протести кои досега беа вршени врз уметнички дела во музеите низ Италија.
„Доста веќе со овие апсурдни напади на нашето уметничко наследство“, напишал Галтиери на Твитер.
