Во четврток (20 јули) во Ла Кања ќе се одржи концерт на бендот „Карла Левински“.
Концертот на новиот бенд „Карла Левински“ на Сецко Сеад Хаџиќ и Огнен Мангаровски од Mooger Fooger и Last Expedition ќе започне во 21 часот.
„Авангарденден минимализам и електроника споени во бучен краут рок. Главна музичка и идеолошка инспирација им е летеризмот, ситуационизмот и анархизмот. Ретка прилика да слушниме спој на аналогни синтисазери, гитари, секвенцери, ритам машини и перкусии поврзани со семплови на легендарниот касетофонски снимач Tascam portstudio 488“, се посочува во најавата за концертот.
