АИЕСЕК Македонија од денеска започнува со национална регрутација на студенти кои сакаат да заминат на професионална пракса во странство како дел од програмата Global Talent.
Оваа програма на АИЕСЕК нуди можност за професионална пракса на студенти кои се при крај со своите додпипломски студии, како и на студентите на постдипломски студии. Програмата овозможува работно искуство во некоја од водечките компании од област на студиите во 124 земји во светот.
Професионалните пракси траат од 2 до 18 месеци, а праксата ќе биде платена. Пријавувањето се одвива преку пополнување на апликацијата за пракса на следниот ЛИНК.
За повеќе информации од АИЕСЕК посочуваат заинтересираните да се обратат во канцелариите во Скопје, Прилеп,Тетово и Штип или пак на официјалните Фејсбук страни на организацијата.