[Видео] Десет приказни на прекинати врски дел од осмиот „Статуафест“

Десет приказни на „прекинати врски“ (Broken relationship) се претставени долж улицата „Македонија“ во Скопје. Минувачите може да ги „прочитаат“ приказните од 17-те уметници кои деновиве се живи статуи, дел од осмото издание на „Статуафест“.

„Некои врски прекинуваат, ете така, сами од себе, молчешкум. Едноставно и просто – заминуваат. Всушност ние, луѓето ги прекинуваме, верувајќи во подобро за нас, кое, потоа и го бараме. И го наоѓаме. И тоа, подоброто го прекинуваме – за уште подобро од него. За најдоброто. И најдоброто го наоѓаме. По време минато крај најдоброто и во него се сомневаме, верувајќи дека и од него постои нешто уште подобро, нешто совршено. И тоа совршеното го наоѓаме. И него го прекинуваме”, велат од здружението „ТеатроСк“ кои се организатори на настанот.

Фестивалот на уличен театар трае и денес, а живите статуи ќе бидат таму од 18:30 до 21 часот.