По долгогодишна борба за екстрадиција против САД, Џулијан Асанж, основачот на „Викиликс“, е ослободен од затвор во Обединетото Кралство (ОК) откако се согласи да се изјасни за виновен по една точка од обвинението за кршење на законот за шпионажа и отпатува дома во Австралија, пренесува Ал Џазира.
„Џулијан Асанж е на слобода. Тој го напушти затворот ‘Белмарш’ утрото на 24 јуни, откако таму помина 1901 ден. Високиот суд во Лондон му одобри кауција и попладнето беше ослободен на аеродромот ‘Стенстед’, каде што се качи во авион и замина од Обединетото Кралство“, велат од „Викиликс“.
JULIAN ASSANGE IS FREE
Julian Assange is free. He left Belmarsh maximum security prison on the morning of 24 June, after having spent 1901 days there. He was granted bail by the High Court in London and was released at Stansted airport during the afternoon, where he boarded a…
— WikiLeaks (@wikileaks) June 24, 2024
Асанж ќе се појави пред судот во Саипан, територија на САД во Пацификот, во среда во 9 часот каде ќе се изјасни за виновен по една точка од обвинението – заговор за добивање и откривање доверливи документи за национална одбрана на САД и ќе биде осуден на 62 месеци од веќе отслуженото време.
„Џулијан е слободен!!!! Зборовите не можат да ја изразат нашата огромна благодарност до вас – да, вие, кои сите се мобилизиравте со години и години за да го остварите ова“, напиша неговата сопруга Стела на платформата X за да им се заблагодари на поддржувачите.
Julian is free!!!!
Words cannot express our immense gratitude to YOU- yes YOU, who have all mobilised for years and years to make this come true. THANK YOU. tHANK YOU. THANK YOU.
Follow @WikiLeaks for more info soon…pic.twitter.com/gW4UWCKP44
— Stella Assange #FreeAssangeNOW (@Stella_Assange) June 25, 2024
Инаку, Асанж стана познат со лансирањето на организацијата Викиликс во 2006 година со што создаде „онлајн-свиркачка“ платформа за луѓето анонимно да поднесуваат доверливи материјали како што се документи и видеа.
Снимката од нападот со американски хеликоптер Апачи во Багдад, во кој загинаа десетина луѓе, вклучително и двајца новинари, ја популаризираа платформата, додека објавувањето на стотици илјади доверливи американски документи за војните во Авганистан и Ирак во 2010 година ја зацврсти нејзината репутација.
„Викиликс“ објави материјали за многу земји, но САД, за време на администрацијата на поранешниот претседател Доналд Трамп, во 2019 година одлучија да го обвинат за 17 точки од обвинението за кршење на Законот за шпионажа.
Американските адвокати тврдеа дека тој заговарал со Челзи Менинг, поранешна армиска разузнавачка аналитичарка, која помина седум години во затвор поради објавување материјал на „Викиликс“. Таа беше ослободена кога претседателот Барак Обама во 2017 година и’ ја ублажи казната.
Поддржувачите на Асанж тврдеа дека, како издавач и главен уредник на Викиликс, тој не требало да се соочи со обвиненија кои обично се користат против владини службеници кои крадат или објавуваат информации.
Застапниците за слободата на медиумите тврдеа дека кривичното обвинение на Асанж е закана за слободата на говорот.
„’Викиликс’ објави револуционерни приказни за владина корупција и кршење на човековите права, барајќи ги моќните одговорни за нивните постапки. Како главен уредник, Џулијан строго плати за овие принципи и за правото на народот да знае“, се вели во соопштението на организацијата со кое го објавија договорот за признавање вина.
Дејвид Шубриџ, сенаторот на партијата „Австралиските зелени“ се изјасни дека со нетрпение чека да го пречека Асанж дома.
„Да бидеме јасни, Џулијан Асанж не требаше да биде обвинет за шпионажа на прво место или да мораше да го направи овој договор. Тој помина години во затвор за да му ги покаже на светот ужасите и злосторствата на американската војна во Ирак и соучесништвото на влади како Австралија и затоа е казнет“, образложи Шубриџ.
