[Фото приказна] Парковите во Тетово

Наместо граѓаните да се одмараат во парковите, бездомните кучиња ја презеле функцијата на човекот во општата „дефиниција“ за парковите. Кучињата, отпадоците и по некој случаен минувач се најчестите „гости“ на парковите, кои за жал освен како предизборно ветување, никаде ги нема, или пак, од лошата слика за нив ретко се кој се осудува да ги погледне.

Главниот парк во Тетово е секогаш „под контрола“, можеби тоа се должи на неговата централност и „бодењето во очи“ на граѓаните, за разлика од останатите неколку паркови кои се оставени на милост, но и немилост на граѓаните.

Екипата на Медиа/арт клуб Тетово одлучи да фотографира повеќе паркови во Тетово, и да ја пренесе вистинската состојба од „местото на настанот“. Во продолжение, како изгледа тоа!