Во Австралија е усвоен закон според кој вработените имаат право да ги игнорираат претпоставените доколку ги повикаат надвор од работното време, пренесува Ал Џазира Балканс.
Работодавците сè уште имаат право да се обидат да контактираат со своите вработени, но сега имаат право да го одбијат повикот или да не одговорат, освен ако таквата одлука не се протолкува како „неразумна“.
Ова вклучува дека вработениот може да одбие да ги чита или да одговори на пораките од работодавачот или трето лице, на пример, клиент на компанијата, а сите несогласувања за итноста на известувањето ќе ги решава владината Комисија за правична работа.
Комисијата може да и нареди на компанијата да престане да контактира со вработен или да и забрани да преземе дисциплински мерки против работниците кои одбиваат да бидат контактирани, но исто така може да му нареди на вработениот да му одговори на работодавачот во случаи кога одбивањето да одговори е „неразумно“.
Прекршувањето на одлуката на Комисијата за правична работа може да доведе до парична казна до околу 12.000 американски долари за вработен, или до околу 63.000 долари казни за компаниите.
Усвојувањето на новиот закон, познат како „Право да не се јавите“, беше поздравено од синдикатите и групите за човекови права, а критикувано од здруженијата на работодавачи, кои го опишаа законот како погрешен и рекоа дека може да има негативно влијание врз продуктивноста.
Слични закони веќе се во сила во Франција, Германија и други земји од Европската Унија и Латинска Америка.
