Најмалку 16 лица загинаа откако ураганот Милтон го зафати западниот брег на Флорида како бура од трета категорија, пишува „Би-Би-Си“.
Конечниот број на жртви се очекува да расте, со оглед на тоа што кога ураганот го зафати копното ослабна и дојде во прва категорија, но источниот брег на земјата го напушти во сила на ураган. Спасувачките екипи сега се пробиваат низ поплавите и штетите со цел да најдат дали има уште луѓе во животна опасност.
Повеќе од два милиони домови и бизниси останаа без струја, додека илјадници луѓе се спасени од поплавените области.
Надлежните предупредуваат за поплави во следните денови. Жителите се предупредуваат да не ги посетуваат местата погодени од ураганот откако таму се случија торнада, поплави и бранови бури.
At least two people were victims of Hurricane #Milton in Florida
The hurricane made its way to the central part of Florida’s west coast in the Siesta Key Island area near the city of Sarasota. 125 homes were reportedly destroyed and more than two and a half thousand other… pic.twitter.com/9AIbwaDMV4
— NEXTA (@nexta_tv) October 10, 2024
Откако се префрли на источниот брег ураганот Милтон значително ослабна и ги изгуби карактеристиките на тропски циклон. Сега се нарекува „посттропски Милтон“ и во суштина останува мала опасност во источна Флорида во Атлантикот.
Времето во претстојниот ден на Флорида ќе остане малку ветровито, особено на источниот брег, но ветрот ќе се намали во текот на денот. Прогнозите за следните денови покажуваат дека ќе остане суво, но има шанса за врнежи особено во јужниот и источниот дел од земјата, а на некои места може да дојде и до бура со грмотевици.
