Со „Парада на нации“, танц во кој учествуваа 5.000 танчери од различни земји вчера, во салата „Борис Трајковски“ во Скопје се отвори светското првенство во „хип-хоп“ и „стрит денс шоу“ – „IDO World Hip-Hop Championship & Street Dance Show 2024“.
„Ова е посебен момент за Македонија, бидејќи го имаме задоволството да бидеме домаќини на еден од најпрестижните настани во светот на хип-хопот. Скопје, со својата богата историја и културна разновидност, денес станува центар на светскиот хип-хоп, каде што учесници од целиот свет се обединуваат преку танц, креативност и заедништво. Овој шампионат е платформа на која младите ги демонстрираат своите таленти, инспирираат и градат мостови меѓу различни култури. Од името на министерството за спорт, министерот Борко Ристовски и од мое лично име сакам да ја изразам нашата длабока поддршка за сите учесници. Вашата посветеност и страст кон хип-хопот не само што се инспиративни, туку претставуваат и симбол на глобално обединување преку уметноста и спортот“, изјави Државниот Секретар на Министерството за спорт и туризам, Сашо Огњеновски, кој имаше говор на официјалното отворање.
Првенството ќе се одржува во следните пет дена со натпревари во двете главни дисциплини.
Во продолжение погледнете дел од атмосферата:
View this post on Instagram
