Во Србија, Република Српска и на територијата на Војводина денеска е ден на жалост поради несреќата во која загинаа четиринаесет лица, а тројца се тешко повредени откако врз нив се урна бетонската настрешница на Железничката станица во Нови Сад, пренесува Н1. Во Нови Сад и Војводина е прогласена тридневна жалост.
Еден од загинатите е македонски државјанин, кој работел како научник на Институтот „Биосенс“ во Нови Сад.
Поранешниот надзорник на реконструкцијата на Железничката станица изјави дека не е точно дека настрешницата не била предмет на работите. Во врска со несреќата денеска треба да бидат сослушани дваесетина лица, меѓу кои и релевантниот министер Горан Весиќ.
Министерот за градежништво, транспорт и инфраструктура изјави дека се истражува зошто настрешницата на Железничката станица во Нови Сад не била предмет на реконструкција и оти истрагата ќе покаже кој е одговорен за несреќата во која 14 лица починаа.
Целата опозиција на градот Нови Сад денеска во 17 часот ги повика граѓаните да се соберат на местото на несреќата за „да ја споделат тагата и да се обединат во болка и солидарност“.
Универзитетскиот клинички центар во Војводина потврди дека нема нови жртви, а тројца од повредените се во тешка општа состојба.
Геолошкиот инженер Зоран Ѓајиќ, кој работеше на реконструкција на зградата на Железничката станица во Нови Сад до март 2023 година, вели дека се работело на настрешницата, дека тоа што го кажува министерот Весиќ не е точно и дека тој испратил испаќал бројни писма на повеќе адреси за овој проблем, но никој не му одговорил.
На една од фотографиите што ги објави во својот извештај за ова, рече тој, се гледа дека зад една од плочите на тој ѕид има делови од бетон, а дел од бетонот недостасува и наместо тоа „се стуткани вреќи со цемент за да се стави помалку бетон внатре“.
„Нека кажат одговорните јавно кој дозволил дополнително да се натовари настрешницата, без разлика дали има документ за тоа или не, за да не се повреди некој работник што ‘не заварил нешто добро’“, вели Гајиќ.
Тој, исто така, изјави дека градежната дозвола за тој проект исчезнала од Централната евиденција на единствената постапка (CEOP) на порталот на Агенцијата за Економски регистри од синоќа.
Министерот за внатрешни работи Ивица Дачиќ рече дека веќе денеска ќе бидат сослушани дваесетина лица „почнувајќи од врвот“. Според него, полицијата и обвинителството презеле одредени дејствија.
„Обвинителството го прави сето тоа, веќе денеска ќе бидат сослушани дваесетина лица, почнувајќи од врвот, од лица од надлежното министерство, јавното претпријатие Железници, ќе се исклучи документацијата која се однесува на самата зграда, документацијата мислам за кој ги донесе одлуките“, изјави тој.
