Во Нови Сад се одржува нов граѓански протест на кој се бара одговорност за падот на настрешницата на Железничката станица, кога на 1 ноември загинаа 14 луѓе, а за тоа досега се приведени само граѓани и активисти кои протестираа на 5 ноември. Блокадата на крстосницата пред железничката станица, како што претходно најавија активистите од организацијата „Stav i SviĆe“ почна во 12 часот и ќе трае до 18 часот, јавува „Н1“.
На собирот се обратија Јелена Ступљанин и Марко Шелиќ Марчело. Музичарот и писател Марчело порача дека „беседите ништо не кажуваат, туку тоа го прават бесот, акцијата, ‘акцијата како оваа’“ повикувајќи ги сите граѓани, спортисти, репрезентативци, актери и музичари да се приклучат „и да се сетат дека се луѓе, сите да се сетиме дека не сме робови“, порача тој.
U toku je šestočasovna blokada raskrsnice Bulevara oslobođenja i Bulevara Jaše Tomića, kod Železničke stanice u Novom Sadu, zbog pogibije 14 ljudi u padu nadstrešnice pic.twitter.com/Q4wc7lmV2n
— Čuvari/ke vatre (@CuvariVatre) November 17, 2024
Граѓаните се собраа пред Железничката станица каде може да се види транспарентот „Промените не можеш да ги апсиш“ а оставија и траги дланки во црвена боја, т.н. „крвави раце“. Поставени се и транспаренти со пораки „Со што се перат рацете од крвавите пари“, „Власта се плаши од народот, а не народот од власта“, „Не би го носеле ова, да не мораме“, „Хеликоптер, Рибникар, Млаедновац, настрешница, до кога?“ и други.
Околу 15 часот таму беше поставена и слика од гулабица која плаче и крвари, а која се смета за симбол на градот.
Golubica, simbol Novog Sada.
Plače sa svojim gradom.#NoviSad pic.twitter.com/52CzpeOnGx— Saška Radujkov (@RadujkovSaska) November 17, 2024
Нешто подоцна од тоа чуварите и активистите се обидуваа да го спречат трукањето и кошкањето меѓу граѓаните и група мажи кои на протестот дојдоа со знамиња на Европската Унија и „Евромајден Србија“. Активистите ги молеа да ги спуштат знамињата и повторуваа дека ова е собир во помен на смртта на 14-те луѓе.
„Овде сме првенствено поради трагедијата, злосторството што се случи. Сметам дека моја должност како студентка е да бидам овде, затоа што промените секогаш започнувале од студентите. Ќе не апсат барем еднаш во животот во овој режим и подобро е сега да покажеме кои сме, што сме и дека не ни можат ништо“, изјави една од студентките присутни на блокадата.
Поради несреќата, која многумина ја нарекуваат злосторство и масовно убиство, до сега се организираа протести во Нови Сад, Белград, а за време на демонстрациите приведени се граѓани и активисти кои учествуваа на масовниот протест во Нови Сад на 5 ноември.
