Минималната синдикална кошница за февруари изнесува 63.773 денари и е за 521 денар повисока отколку во јануари годинава кога беше 63.252 денари, објави Сојузот на синдикати на Македонија (ССМ). Истовремено, со изнајмен стан од 60 квадратни метри, таа, изнесува 79.148 денари.
Четиричлено семејство за храна и пијалаци треба да одвои 23.427 денари или 36.7%, според пресметката на ССМ, за облека и обувки 5.800 денари или 9.1%, за станарина, вода, електрична енергија и греење 6.096 денари или 9.6%, а за лична хигиена и одржување на хигиена во домот треба да се издвојат 2.195 денари или 3.4%.
Потоа, според минималната синдикална кошница за здравје се потребни 1.135 денари или 1.8%, за транспорт 4.844 денари или 7.6%, за комуникации на едно четиричлено семејство во февруари годинава му биле неопходни 3.417 денари или 5.4%, за рекреација и култура 4.592 денари или 7.2% отсто, за образование 7.036 денари или 11%, додека за ресторани и хотели 4.131 денари или 6.5% отсто, а за останати стоки и услуги 1.100 денари или 1.7%.
