Земјотрес со јачина од 7,7 степени според Рихтеровата скала го погоди Мјанмар, а беше почувствуван и во Тајланд. Двете земји прогласија вонредна состојба додека трае потрагата по преживеани под урнатините на зградите, пренесе Радио Слободна Европа. Најмалку три лица загинаа откако делумно се урна џамија во Мјанмар, според очевидци.
Според податоците на Американскиот геолошки завод (УСГС) епицентарот бил на околу 17.2 километри од градот Мандалеј, каде живеат околу 1.2 милиони жители. Дванаесет минути по првиот земјотрес, втор силен земјотрес со јачина од 6.4 степени ја погоди областа.
Воената хунта во Мјанмар прогласи вонредна состојба во поголемиот дел од централниот дел на земјата, вклучувајќи го и вториот по големина град Мандалај и изолираниот главен град Најпјидау, кој го изгради војската. Вонредна состојба е прогласена во регионите Сагаинг, Мандалај, Баго и Магвеј, како и во источната држава Шан.
Тајландската премиерка прогласи вонредна состојба поради земјотресот. Во објава на платформата X, Паетонгтарн Шинаватра најави воведување на систем за предупредување за мобилни телефони.
Облакодер во изградба во главниот град на Тајланд, Бангкок се урна по земјотрес во Мјанмар.
Како што пренесе Асошиејтед прес, на социјалните мрежи кружи драматично видео на кое се гледа висока зграда со градежен кран на врвот како се урива во облак од прашина.
Additional footage showing the collapse of an under construction skyscraper in Bangkok, during today’s 7.7 magnitude earthquake on the border between Thailand and Myanmar. pic.twitter.com/NX3o5XbJtA
— OSINTdefender (@sentdefender) March 28, 2025
7.7 magnitude earthquake hits Southeast Asia, mainly impacting Myanmar and Thailand.
— Pop Base (@PopBase) March 28, 2025
Службите за итна помош известија дека 50 луѓе се наоѓале во зградата што се урна во Бангкок. Националниот институт за итна медицина соопшти дека 43 лица се заробени во зградата, додека уште седум се повредени.
