Албин Курти поднесе оставка од премиерската функција, која ја соопшти во писмо испратено до Секретаријатот на косовското Собрание, пренесува Н1.
Според законот, оние кои добиваат мандат како пратеници, а се и дел од косовската влада, извршувајќи извршна функција како што се: премиер, вицепремиер, министер или заменик министер, мора да поднесат оставка од својата извршна функција.
Тоа е затоа што, според деловникот, тие не можат истовремено да бидат пратеници и дел од извршната власт.
„Од 23 март, кога истече целосниот четиригодишен мандат на нашата влада, таа функционира како техничка влада во оставка. Во согласност со Уставот и важечките закони, изјавата што ја дадов и прифатив од ЦИК на 27 март 2025 година, како и мојата јавна функција истиот ден, фактички дадов оставка со владиниот кабинет. Со цел полагање на заклетва како пратеник во Собранието на Република Косово, од деветтото свикување, официјално поднесувам оставка од извршната функција, со важност од споменатиот датум, во согласност со Уставот и важечките закони“, се вели во писмото за оставка на Курти, пренесено од Клан Косова.
