[Галерија] Родители во собите на своите заминати деца

Од родендените до првиот ден на училиште, детството е полно со моменти на транзиција. Во нејзината серија „На гнездото“, фотографката Dona Schwartz најпрвин го фокусира нејзиниот објектив на млади парови кои подготвуваат соба за бебето кое го очекуваат, за потоа да фотографира родители во собите на нивните деца кои си отишле од дома.

Во оваа емотивна серија, Schwartz го бележела и времето кое поминало откако децата заминале на колеџ или се преселиле во други краишта на САД. Таа вели дека се знае како треба да се подготви собата кога детето пристигнува во домот, но не и кога го напушта.

„Има една „сива зона“ на време во коe не знаете што да правите со собата на вашето дете откако тоа ќе замине од дома. Во некои куќи во кои што влегов, на луѓето не им требаше простор, па ги оставиле собите недопрени. Во други, пак, има калкулација – на родителите им треба простор, но тие сакаат да го зачуваат сеќавањето на нивното дете во куќата“, вели Schwarz.