Младиот Британец Sam Smith синоќа освои четири музички награди на 57-то издание на Греми во Лос Анџелес, додека наградата за најдобар албум на годината ја доби Beck.
Smith е добитник на наградите за најдобра песна на годината, најдобар нов изведувач, најдобар поп албум и најдобро снимање.
Музичарот Beck, кој својата кариера ја започна во 1994 на алтернативната рок сцена, ја доби наградата за најдобар рок албум и албум на годината со „Morning Phase“.
Pharrell Williams и Beyoncé освоија по три Греми награди меѓу кои Williams за најдобар видео клип за песната „Happy“, а Beyoncé за најдобра R&B песна „Drunk in Love“.
На церемонијата за доделување на наградите настапија Madonna, Rihanna, Paul McCartney и Kanye West.
Листата од сите добитници на Греми награди е достапна на овој линк.