Очекуваниот трејлер за документарниот филм „Montage of Heck“, кој претставува интимен портрет на фронтменот на групата Nirvana, Kurt Cobain, вчера официјално беше објавен. Документарниот филм, во режија на Brett Morgen е полн со интервјуа со најблиските на изведувачот вклучувајќи ги членовите на семејството, неговата сопруга, музичарот Courtney Love, како и басистот на Nirvana, Krist Novoselic.
Претходно, режисерот Morgen најави дека музиката за филмот ќе вклучи 12-минутна акустична музика на Cobain која претходно не била објавена. Филмот премиерно ќе биде прикажан на HBO, на четврти мај.
Извор: CNN