[Галерија] Стотици средношколци маршираа и во Велес

Стотици средношколци во Велес денеска протестираа против воведувањето математика како задолжителен предмет во државната матура како и влијанието на оценката од екстерното оценување врз крајниот успех на учениците.

„Не за екстерно“, „Стоп за лошите реформи“, „Доста беше молк“, се само дел од паролите кои можеа да се слушнат на протестот кој имаше надетнички карактер, откако масовно беше поддржан и од албанските паралелки, јавува репортерот на Радио МОФ од Велес.

Велешани им се придружија на средношколците од Скопје, Неготино, Ресен, Кавадарци, Струга, Куманово кои се против новата реформа со која полагањето на предметот математика стана задолжителен за сите матуранти, без разлика на нивната сегашна струка и идните планови за избор на факултетот на кој би го продолжиле своето образование.