Новиот албум на скопскиот алтернативен состав Мугер Фугер, „Продолжи да сонуваш“ од денеска е достапен за бесплатно преземање од веб-страницата на издавачката куќа PMG. Албумот, кој содржи десет песни, е снимен во соработка со редица познати македонски инструменталисти, вокалисти и текстописци.
Групата вечерва (27 март) во 21:00 часот организира „слушачка промоција“ на новото издание во „Ла Кања“ во Старата скопска чаршија, која ќе биде збогатена со диџејски сетови на Јане Алтипармаков и Мирко Попов.