Instagram ќе го емитува својот прв сериски филм наречен Shield 5. Серијата ќе биде прикажувана во 28 епизоди долги по 15 секунди.
Првата епизода на Shield 5, чиј режисер е Anthony Wilcox, дебитираше на 1. февруари. Останатите епизоди ќе се емитуваат секој ден до крајот на месецов.
Во филмот настапуваат Christian Cooke, Elliot Gleave (познат и како музичарот Example), Kieran O’Brien и Wallis Day.
Првите две епизоди се веќе достапни за гледање.
Новиот формат, според кој е режирана серијата, се нарекува „социјално кино“ бидејќи овозможува гледачите да коментираат и „лајкуваат“. Профилот @ShieldFive веќе има околу 10000 следбеници, пренесува Business Insider.