Голем музички МКЦ карневал се организира за први април во Младинскиот културен центар во Скопје, со почеток во 21 часот.
Три екипи се погрижија овогодишниот маскенбал да биде голем и незаборавен за сите оние кои сакаат квалитетна музика додека шетаат наоколу во празнично руво. DMAmusic, BTKRSH и PMG Recordings најавија обемна, квалитетна и еклектична музичка програма.
Настапуваат: специјалниот гостин од Америка John Templeton, Great American Techno Festival, со поддршка на домашните Mirko Popov, Andreas Hz, Martchin, Anomalia Nativa, Natty Fiyah.
„Април #1 е совршен ден за КАРНЕВАЛ. Знаете она со маски и никој не може да ве препознае. Ќе биде тоа масовен градски карневал оваа година, а ЦЕНТРАЛНИОТ НАСТАН се дешава во МКЦ. Три екипи се погрижија да овогодишниот маскенбал биде голем и незаборавен за сите оние кои сакаат квалитетна музика додека шетаат наоколу во празнично руво. Одберете навистина добра маска за овој КАРНЕВАЛ, по се изгледа ќе биде ЈАКО :)“, стои во поканата за настанот.