Организацијата АИЕСЕК бара млади авантуристи – студенти желни да го откријат светот и да направат нешто повеќе за себе, а сите заинтересирани за волонтерска пракса ги повикуваат да се пријават во организацијата за да добијат „искуства што ќе ги паметат целиот живот“.
„Волонтерската пракса е достапна за сите студенти, има времетраење од 6-8 недели, а сместувањето и храната ќе бидат обезбедени од страна на АИЕСЕК во земјата домаќин. Притоа практикантот ќе работи во интернационален тим на проект на општествена тема. Државата, периодот и проектот на кој ќе работи ги бира апликантот со постојана помош од страна на АИЕСЕК“, посочуваат од органицацијата.
Инаку АИЕСЕК е студентска невладина организација која функционира на глобално ниво низ цел свет. Нејзина основна дејност е овозможување волонтерска или професионална пракса за студентите кои сакаат да патуваат надвор од Македонија и да откриваат нови држави и култури.
Од АИЕСЕК појацнуваат дека ваквата пракса досега им помогнала на голем број студенти за нивно развивање како личност, зголемување на мрежата на контакти низ целиот свет, но и за стекнување поинакви искуства .
Зите заинтересирани студенти може да се пријават на веб сајтот на АИЕСЕК или во нивните канцеларии и промотивни штандови.