Активистот Никола Ристиќ од организираната група „СвиЌе“ („SviĆe“) е приведен денеска, 3 ноември, пред закажаниот протест во 11 и 30 часот на платото пред старата Железничка станица на плоштадот Сава во Белград, потврди неговата колешка Дарија Стјепиќ, а информира Н1.
Како што рече Стјепиќ, активистите се договориле да се сретнат пред протестот на плоштадот Сава, околу 10 и 10 часот.
„Штом се појавивме ние двајца, околу нас се појавија пет полицајци во цивилна облека, а на самиот плоштад ги имаше уште многу. Ним им беше доста непријатно, еден човек стоеше буквално пред мојот нос, го сврте грбот да разговара со Никола“, опиша таа.
View this post on Instagram
Бидејќи активистите имале боја со себе, полицајците го прашале Ристиќ за што служи.
„Одговори дека го варосува станот, а тие му рекоа ‘доаѓаш со нас да позборуваме за твоето варосување на станот’. Прашав зошто и каде го носат, на што повеќепати ми рекоа да се засолнам. Го зедов телефонот да снимам, ми рекоа дека не можам. Објаснив дека можам, бидејќи стоев на јавен простор. Еден човек ми го украде телефонот и само кога упорно инсистирав да ми го врати, тој го стори тоа“, рече таа.
View this post on Instagram
Таа продолжила со снимањето, а тие, како што опишува, „многу агресивно го оттурнале Никола“, без да им кажат каде го носат.
„На крајот само кажаа Савски венац, но не знам дали е тоа точно. Така буквално го оттурнаа Никола од плоштадот Сава“, рече таа.
Стјепиќ наведува дека ќе контактира со адвокат, но и дека ќе продолжи со протестот како што е претходно договорено.
„Нема повеќе простор за забавување и чекање. Секој ден нè има се помалку затоа што неспособноста и злото на режимот не убива, еден по еден и еден по еден. Последниот настан во Нови Сад ни покажа дека режимот нема ни трошка совест и одговорност! Затоа од недела почнуваме со граѓанска непослушност“, се наведува во соопштението за денешниот протест.
View this post on Instagram
Како што информираат активистите, денеска во 11 и 55 часот ќе бидат објавени сите информации за активностите на денот и планот за тоа што ќе се случува во наредните денови, како и барањето поради кое протестираат.
„После тоа, тргнуваме во акција, за што треба да понесете црвена боја. Бојата може да биде во вреќи, лименки, балони, кофи, компресори за боја или нешто слично. Ќе ја користиме бојата“, велат тие.
Ова е почеток, не значи дека активностите ќе се одвиваат исклучиво во Белград, додаваат.
„Единствена причина зошто почнуваме во Белград е фактот што Нови Сад ќе биде во жалост во наредните два дена, што мора да го почитуваме, но тоа не значи дека не можеме веднаш да го канализираме гневот на граѓаните. Активностите ќе продолжат во Нови Сад штом ќе заврши тридневната жалост“, се наведува во соопштението.
Додаваат дека ова нема да биде класичен протест, туку дека ќе тргнат на акција.
View this post on Instagram
Освен „СвиЌе“, се собраа и други актери, рекоа дека ова нема да биде еднодневен собир, дека очекуваат активностите да се прелеат и во други градови и дека нема музика и радост затоа што поводот е трагичен.
Инаку, протестните активности се случуваат поради уривањето на настрешницата на Железничката станица во Нови Сад при што загинаа 14 луѓе, а 3 се тешко повредени. Исто така, денеска започна и демонтирањето на Савскиот мост во Белград за кој надлежните велат дека им е законска обврска со цел да не се случи несреќа, затоа што при увид се утврдило дека не се поставени соодветни физички бариери за запирање на сообраќајот. Граѓани и активисти веќе се собрани во обид да го спречат демонтирањето на мостот.
Загинаа 14 граѓани откако се урна настрешницата на Железничката станица во Нови Сад
