Конференцијата за социјален активизам „ENGAGE“ ќе се одржува на 24 септември од 17 часот во Куршумли Ан, а свој говор на овогодинешното 11-то издание ќе има и Хамзат Лавал.
Хамзат е активист од Нигерија кој константно се бори против корупцијата. На Конференцијата ќе може да ја слушнете неговата перспектива во однос на кампањите за застапување и развојните политики кои влијаат на руралните, маргинализираните и сиромашните грасрут заедници.
Дополнително, тој ќе зборува и за неговата инцијатива – „Follow The Money“. Концепт кој цели кон развивање на социјална одговорност и опфаќа аналитичари на податоци, новинари, активисти и студенти.
На единствената Конференција за социјален активизам „ENGAGE“, во организација на Радио МОФ и Младински образовен форум, домашни и странски активисти ќе споделат знаења и искуства на теми поврзани со активизам, социјална промена, слобода на говор, животна средина и технологија.
Освен инспиративните приказни и презентации, публиката ќе може да учествува во креативни работилници и да ги поддржи и се забавува со младите артисти учесници на „ENGAGE“.
Регистрацијата е веќе отворена и секој заинтересиран може да го пријави своето присуство преку следниов ЛИНК.
Во изминатите 10 години „ENGAGE“ стана еден од најголемите собири за поединци и заедници во нашата земја и тоа е единствениот настан за активизам кој е организиран континуирано секоја година. „ENGAGE“ ќе обезбеди едукација, интеракција и инспирација за индивидуи, групи и организации чија цел е да го подобрат општеството во кое живееме.
Конференцијата е поддржана од National Endowment for Democracy.
Следете не’ за да ги дознаете сите имиња на овогодинешните учесници на „ENGAGE“. Сите детали ќе бидат објавувани на сајтот на Радио МОФ, социјалните мрежи и на веб-страницата на конференцијата www.engage.mk.
