Александар Николовски е реизбран за претседател на Универзитетското студентско собрание на Универзитетот „Св. Кирил и Методиј“ во Скопје, по пат на тајно гласање на Собранието на седница одржана вчера (16 октомври).
Новиот претседател го искористи правото на реизбор и по вторпат ќе раководи со Собранието.
Покрај него беа избрани и 9 сенатори од редовите на УСС што ќе ги претставуваат студентите во Сенатот на Универзитетот:
- Филип Петковски – Факултет за дизајн и технологии на мебел и ентериер
- Слободан Панајотов – Факултет за физичко образование, спорт и здравје
- Ивона Тодорова – Правен факултет
- Ангела Василевска – ФИНКИ
- Никола Ѓоргиев – Факултет за музичка уметност
- Зорица Бојаџиева – Технолошко-металуршки факултет
- Доротеа Камчевска – Педагошки факултет
- Иван Трајковски – Економски факултет
- Филип Калаџиски – Медицински факултет.
Николовски за првпат беше избран за претседател на почетокот на ноември минатата година.
Тој е моментално на магистерски студии по економски науки од областа на монетарна економија, финансии и банкарство на Економскиот факултет. Кандидатурата и биографијата на Николовски може да се погледне на следниов ЛИНК.