Скопскиот Апелационен суд ја зголеми казната за возачот Јордан Ѓорѓиев, кој управуваше со возилото за време на сообраќајната несреќа во која животот го изгуби младата Викторија Николова, објавија медиумите.
Според новата пресуда, Ѓорѓиев е осуден на четиригодишна затворска казна, односно една година повеќе од првичната пресуда. Тој начелно беше осуден на тригодишна казна затвор и доби забрана за управување со моторно возило во следните три години.
По првичната пресуда, семејството на Николова најави жалба преку Јавното обвинителство.
Адвокатот Владимир Михајлов, во својство на правен застапник на Николова, истакна дека „ваква казна од три години за вакво дело со смртни последици е премногу несериозна за премногу сериозно дело“.
На почетокот на годинава беа организирани протести по повод трагично изгубениот живот на Николова, со цел да се привлече внимание на проблемот со честите сообраќајни несреќи. Протест беше организиран на местото на несреќата, но и пред Кривичниот суд.
Организатор на протестот пред Кривичниот суд беше Леонид Даов, момчето на Николова, кое ја преживеа несреќата.
[Фото] „Застани и пропушти, не убивај“ – одржан протест против сообраќајното насилство
