Новинарите Атанас Костовски и Љупчо Јолевски се добитници на Државната награда „Мито Хаџи Василев-Јасмин“ за остварување во областа на новинарството, додека истата награда за остварувања во областа на публицистиката ја делат Иван Антоновски и Делвина Крлуку.
Одлуката била донесена од Одборот за доделување на државната награда на седница одржана на 15 ноември.
Наградата ќе им биде врачена на добитниците на 21 декември во 10:30 часот, во свечената сала на Собранието.
Хаџи Василев-Јасмин е наречен „првото перо“ на македонското новинарство и публицистика, а бил и прв претседател на Здружението на новинарите на Македонија.
Наградата за првпат е доделена во 1969 година.
