Албумите на македонските состави Bernays Propaganda, Conquering Lion и Foolish Green се најдоа меѓу најдобрите изданија на екс-ју просторите изминатава година, во изборот на музичкиот веб-магазин Balkanrock.
Во изборот се најдоа 70 албуми издадени во 2013, меѓу кои се и „Забранета планета“ на Bernays Propaganda, „Revelation“ на Conquering lion и „Escape“ на Foolish Green. Изборот не е правен според некаков редослед, а во него, според зборовите на уредниците на Balkanrock, се нашле изданија од регионот кои оставиле посебна трага изминатава година.
Сепак, листата почнува со албумот „Krigle“ на белградските рапери Bad Copy, кој постигна огромен успех во регионот во 2013. Меѓу изведувачите чии изданија влегоа во изборот на Balkanrock се и: Laibach, Eyesburn, Elemental, Dža ili Bu, Dubioza Kolektiv, Damir Avdić, Consecration, Metak za zlikovca…